Mipela I save hariap tasol long givim mani mak long $5, 000 long ol wanwan lain na tu long ol grup long wanwan kantri insait long ol 365-pela day bilong yiar. Mipela i givim Repid Rispons Gren (Rapid Response Grants) I go long ol meri na ol lain husait I save pait strong na banisim rait bilong ol lain I laik senis na kamap man o meri (transgender). Urgent Action Fund, Asia and Pacific (UAFA&P), olsem hap bilong ol grup I sapotim rait bilong ol meri insait long olgeta hap bilong graun, I save sapotim ol wok bilong rait bilong ol meri wantaim as-tingting bilong kamapim ol kalsa bilong jastis, wankain rait long olgeta manmeri na bel isi.
Repid Rispons I Givim Mani
UAF Asia & Pacific em I wanpela indipenden fand we I gat planti gutpela netwok insait long ol rijen. Mipela I narakain long ol arapela bikos mipela I save mekim Repid Rispons Gren o mipela I save givim mani hariap tru long helpim ol meri na ol lain I pait long banisim rait bilong ol man na meri wankain, insait long tupela rijen. Mipela I kisim leta I askim long helpim long kainkain tokples, long olgeta dei bilong yiar, inap long mani mak long USD $5 000. Taim ol lain I salim leta I kam, mipela I save bekim insait long 72-pela aua. Sapos mipela I wanbel long givim mani, mipela I save givim insait long 10 o 15-pela dei.
Mipela I save givim tu ol arapela helpim insait long ol program bilong mipela long sapotim ol strongpela grup. Rot mipela I kisim em I nambawan tru; mipela I save lainim na senis hariap tru insait long wok bilong mipela. Mipela I bagarapim tu sampela gutpela sindaun taim mipela I harim na bekim wari bilong ol lain I pait strong long banisim rait bilong ol yet na bilong ol grup, na mipela I serim dispela ekspiriens wantaim ol kominiti bilong mipela. Mipela I gat save bilong wok moa long tupela ten (20) krismas wantaim ol kainkain ol arapela fanding grup insait long olgeta hap bilong graun.
Helpim ol Lain I Wok long lukaitim Rait bilong ol manmeri
Ol progrem bilong mipela I mas helpim na strongim wok bilong banisim na lukautim gut ol meri na tu ol lain husait I save pait strong long banisim rait bilong ol lain I laik stap olsem man na meri wankain. Mipela I wok wantaim ol kain lain olsem na ol grup bilong ol long luksave long ol birua ol I save bungim nau na wanem kain hevi bai I kamap bihain. Long dispela kain pasin mipela I helpim long givim sekiuriti long ol bai ol I ken banisim gut laip na wok bilong ol.
Kamapim na Strongim Pasin Bilong Marimari na Serim Samting
Ol progrem bilong mipela long kamapim na Strongim Pasin bilong Marimari na Serim Samting I ken bringim nupela luksave long gutpela sindaun insait long tupela rijen. Em I save kamapim ol kominiti bilong serim samting wantaim strong na pasin bilong lukautim laip. Dispela i ken sapotim ol meri na ol grup we I pait strong long banisim rait bilong ol lain husait I laik stap olsem man na meri wantaim insait long ol kain helpim olsem: mani, serim save, wokbung na givim fri helpim.
